დღეს 15 იანვარს დაიწყება გერმანიის ჩემპიონატის მეორე წრე და რადგან გერმანიის ჩემპიონატში 3 ქართველი ფეხბურთელი თამაშობს ბუნდესლიგა ჩვენთვისაც იქნება საინტერესო.
რა თქმა უნდა ქართველი გულშემატკივრის ინტერესი ბერლინის �ჰერტასადმი� მას მერე გაიზარდა, რაც ამ გუნდში ლევან კობიაშვილი გადავიდა. როგორც ჩანს კობის დებიუტი სწორედ მეორე წრის სასტარტო ტურში შედგება. ამას გერმანული მიმომხილველებიც არ მალავენ. �ჰერტამ� მალიორკაზე შეკრება დაასრულა და სამშობლოში დაბრუნდა. გუნდი, რომელიც ბუნდესლიგაში უკანასკნელ საფეხურზეა და ადგილის დარჩენისთვის იბრძოლებს, ფანებმა გაამხნევეს. დედაქალაქური კლუბი სრული შემადგენლობით შეხვდა გულშემატკივარს. რა თქმა უნდა, ამ თავყრილობაზე ლევან კობიაშვილიც იყო. ფანების მთავარი ინტერესი ახალწვეულებისადმი იყო მიმართული და ლევან კობიაშვილიც ყურადღების ცენტრში მოექცა. ბერლინელთა გუნდის ერთგულმა ქომაგებმა კიდევ ერთხელ დააფიქსირეს, რომ კობის დიდად ეიმედებათ. ქართველმა ლეგიონერმა კი კვლავ ხაზგასმით აღნიშნა, რომ სჯერა �ჰერტას� არ დაქვეითდება და მომდევნო სეზონშიც ბუნდესლიგაში იასპაერეზებს... ფანები ლევანს უთხრეს, რომ 16 იანვარს, �ჰანოვერთან� გასვლით შეხვედრაში მის დებიუტს მოელიან და გულმხურვალედ უქომაგებენ.
გერმანიაში მოასპარეზე კიდევ ერთ ჩვენებურზე ვთქვათ. ბუნდესლიგის მეორე წრისთვის �ფრაიბურგმა� სამზადისი დაასრულა. ფრაუბურგელებმა დასკვნითი საკონტროლო შეხვედრა �ბადენოვა შტადიონზე� შვეიცარიულ �ბაზელთან� გამართეს და 1:2 დამარცხდნენ. �ფრაის� შემტევი ნახევარმცველი დავით თარგამაძე სასტარტო შემადგენლობაში არ ყოფილა. თარგამაძე 73-ე წუთზე ჩაერთო თამაშში, მაშინ როცა ტაბლოზე საბოლოო ანგარიში იყო დაფიქსირებული.
თარგამაძის �ფრაიბურგი� ბუნდესლიგის სეზონს ზეგ, 16 იანვარს �ჰამბურგთან� გასვლითი შეხვედრით განაახლებს. ფრაიბურგელებს პირველი წრის შემდეგ 18 ქულა აქვთ, ცხრილში მე-13 საფეხურზე არიან და გაავარდნი ზონაში მყოფ გუნდებთან მხოლოდ 2 ქულა აშრებთ.
No comments:
Post a Comment