გუშინ �მილანმა� იტალიის თასის მეოთხედფინალში გააღწია, სადაც �უდინეზესა� და �ლუმეცანეს� შორის დღევანდელ მატჩში გამარჯვებულს შეხვდება. �როსონერიმ� კი სერია ჩ-ს ბინადარი �ნოვარა� დაამარცხა - 2:1. ლეონარდომ სერია A-ს ბატალიებით გადაღლილი შემადგენლობა დაასვენა და ბოლოხანს სათადარიგოებს შორის გამწესებულთ მისცა თავის გამოჩენის შანსი, მათ შორის, კახა კალაძეს, რომელიც ჯუზეპე ფავალისთან წყვილში დაცვის ცენტრს ამაგრებდა.
კალაძეს ჰქონდა საგოლე შანსი მანამ, ვიდრე მე-12 წუთზე ფილიპო ინძაგი გახსნიდა ანგარიშს. �ნოვარამ� მეორე ტაიმის დასაწყისშივე აღადგინა წონასწორობა, როცა პაბლო გონსალესი საჯარიმოს ხაზთან ჩვენი ნაკრების კაპიტანს გაექცა და მახვილი კუთხიდან ბურთი შორეულ ძელთან დააჭედა. გამარჯვების გოლი კი მე-80 წუთზე მატიო ფლამინიმ გაიტანა. კალაძემ ბოლომდე ითამაშა და გოალ.ცომ-სგან შეფასებად 5.5 ბალი დაიმსახურა.
No comments:
Post a Comment