საქართველოს ნაკრების და დინამო თბილისის ყოფილი ნახევარმცველი თავის თაობაში ერთ-ერთ ყველაზე პერსპექტიულ ფეხბურთელად მიჩნეული ლადო ბურდული ამ ბოლო დროს ვეღარ ბრწყინავდა .,სწორედ ამიტომ სასიამოვნოა ინფორმაცია რომელიც გაზეთ ლელოში გამოქვეყნდა.
ლადო ბურდული სიმფეროპოლის �ტავრიიდან� წამოვიდა. ის ამ კლუბში შარშან ჩაირიცხა, მაგრამ გუნდის მთავარი მწვრთნელი არ ათამაშებდა და იძულებული გახდა, ეს ნაბიჯი გადაედგა.
ბოლოდროინდელ ინტერვიუებში ლადომ სხვადასხვა კლუბის შეთავაზება ახსენა. სანდო წყაროს მეშვეობით, მხოლოდ ერთი მათგანის შესახებ გავიგეთ - 28 წლის ნახევარმცველს პოპულარული ჩეხური კლუბი პრაღის �სპარტა� იწვევს. ეს ბურდულის მენეჯერის დამსახურებაა, თუმცა მწირი ფინანსური შესაძლებლობიდან გამომდინარე, ჩეხებმა ჩვენებურს მიმზიდველი პირობები ვერ შესთავაზეს.
ბურდულმა მენეჯერს პირობა წაუყენა, რომ პირობების გაუმჯობესებას მიაღწიოს. ცნობისთვის, �სპარტაში� ორიოდე ლიდერი 12-12 ათას ევროს იღებს, დანარჩენების ხელფასი კი 3-დან 7 ათას ევრომდე მერყეობს.
უკრაინასა და რუსეთში ბურდული ბევრად უკეთეს პირობებს შეეჩვია და მისი მოთხოვნები გასაგებია, მაგრამ ერთიცაა - ნაკრებში დაბრუნების მსურველი ფეხბურთელისთვის პრაღის �სპარტაში� მოხვედრა სასურველი ვარიანტი გვგონია. თან ისიც გასათვალისწინებელია, რომ უკრაინაში მას ბოლო დროს საქმეები ვერ აეწყო. მოკლედ, ჩეხურ გრანდში ჩარიცხვის პერსპექტივა 29 წლის ბურდულისთვის უდავოდ მშვენიერი შანსია, ფორმა რომ აღიდგინოს და ნაკრებში დაბრუნდეს.
No comments:
Post a Comment